Halabi Language -"Words of Life".mp4 - a podcast by Tze-John Liu

हलाबी भाषा - "जीवन के शब्द".mp4 //
1 कुरिन्थियों 13 - मया बड़े आय1अगर मय मानेमन आउर सरग दूतमन चो बोलीमन बलेंदें आउर मया नी संगायें, तेबे मय ठन ठनातो बिती पीतल आउर झन-झनातो बिती झांझ आंय। 2आउर अगर मय अगम गोठ करूक सकें दें आउर सपाय भेदमन आउर सपाय परकार चो गिआन के समजेंदें, आउर मोके ऐथा ले पुरा बिश्वास होओ कि मय डोंगरीमन के गुचाऊन देयेंदे, मान्तर मया नी संगायें, तो मय काईची बले नुआय। 3अगर मय आपलो पूईतराय धनमाल कंगालमन खुआऊन देयेंदे, नाहले आपलो देंह जरातो काजे देउन देयेंदे, आउर मया नी संगायें, तेबे मोके काईची बले फायदा निआय। 4मया धीरजवान आय, आउर किरपालु आय; मया डाहा नी करे; मया आपलो बड़ाई नी करे, आउर फुलु नुआय, 5हुन अनरीति नी चले, हुन आपलो भलाई नी चाहायें, चिड़बीड़ाय नी होये, खराप नी माने। 6घिन-घिना काम ले हरिक नी होये, मान्तर सत ले हरिक होऊ आय। 7हुन सपाय गोठमन सहु आय, सपाय गोठमन चो बिश्वास करू आय, सपाय गोठमन चो आशा संगाऊ आय, सपाय गोठमन ने धीरज धरू आय। 8मया केबे गुचु नुआय; अगम गोठ होओ, तो सरून जाये दे; भाषामन होओ, तो जाते रयदे; गिआन होओ, तो मेटून जायेदे। 9कसनबल्लोने आमचो गिआन आदरा आय, आउर आमचो अगम गोठ आदरा आय; 10मान्तर जिदलदाय सर्वसिद ऐयेदे, तेबे आदरा मेटून जायेदे।11जिदलदाय मय लेका रले, तेबे मय लेकामन चो असन बोलते रले, लेकामन चो असनमन रली, लेकामन चो असन समज रली; मान्तर जिदलदाय सियान होले तेबे लेकामन चो गोठमन छांडुन दिले। 12ऐबे आमके दरपन ने धुन्दरा असन दका देऊ आय, मान्तर हुन समया छमा-छम दकवां; ऐ समया मोचो गिआन आदरा आसे, मान्तर हुन समया असन पूईतराय ढंग ले चितायेंदे, जसन मय चिताया गेले सें। 13मान्तर अदायं बिश्वास, आशा, मया ऐ तीनो थीर आय, मान्तर ऐ मन ने सपाय ले बड़े मया आय।

Further episodes of ====

Further podcasts by Tze-John Liu

Website of Tze-John Liu