Zëshëm për përvojat queer në shoqërinë maqedonase - Version në shqip - a podcast by AED EKVALIS

„Zëshëm për përvojat queer në shoqërinë maqedonase” është botim i përbërë nga 4 tregime të 4 anëtarëvë të komunitetit LGBTIQ+, që identifikohen si gej, lezbike, biseksuale dhe grua transgjinore. Ky botim flet për përvojat. Përvojat tona të cilat janë gjithmonë dytësore për sistemin. Përvojat të lidhura rreth sigurisë, ecjes në rrugë, frikës, sulmeve fizike që anëtarët e komunitetit tonë i bartin në shpinë. Pastaj, procesi i pranimit dhe i vetë-pranimit, beteja të gjata dhe komplekse me veten, e më tutje, me mikrorrethin tonë, familjet, institucionet, religjionet, komunitetet dhe qeveritë.

Ky botim flet për lokacione, vende dhe hapësira në të cilat komuniteti jonë ndihet rehat të socializohet, e njëkohësisht në ato vende kanë ndodhur, ndoshta, edhe përvojat më të rrezikshme për neve. Si lexues(e) i(e) këtyre tregimeve, do të zhyteni në përvoja të lidhura me familjen, me familjet tona biologjike dhe të jetuarit në ankth të përhershëm prej frikës se mos e humbisni familjen që e keni, nëse ua zbuloni “veten” e vërtetë. Tregimet janë gjithashtu për përvojat tona të së dashuruarit, së jetuarit jetëve të fshehura me partnerët tonë, momentet tona të lumtura dhe pikëpamjet tona për të ardhmen. Madje, edhe për ankthin tonë për të ardhmen. Por, edhe për ndjenjën që e ardhmja është (do të jetë) e jona dhe se e marrim atë në duart tona.

Përvojat e këtij botimi, para se të gjithash, ua dhurojmë anëtarëve të komunitetit tonë. Në secilin tregim duam të hapim një hapësirë për shpresë, për t’u barazuar, për t’u ndjerë të përbashkët dhe për të jetuar në realitet të komunitetit, por gjithashtu edhe për të ndarë vizionin për një jetë më të mirë për komunitetit tonë. Duam të krijojmë hapësirë për luftë, përkatësisht, hapësirë për luftë të përbashkët.

Rrjedhimisht, këto tregime ua ofrojmë si kthjellim, edhe atyre që e kanë fuqinë të jenë të privilegjuar në këtë shoqëri për shkak të orientimit të tyre seksual. Këto janë tregime që parashtrojnë pyetje për privilegjin, për sistemin, për institucionet, tregime të cilat pa dashje, gjatë jetës sonë të përditshme, duan t’u propozojnë njerëzve që kanë privilegj që përvojat tona janë valide, por se nuk do të presim validim bazuar në dhembshuri dhe mëshirë, por thjesht, do t’i validojmë sepse meritojmë të jemi të barabartë me njerëzit hetero dhe cis në këtë shtet.

Tregimet në këtë botim janë tregime të katër anëtarëve të komunitetit që identifikohen si gej, lezbike, biseksual dhe njerëz transgjinor, por në të njëjtën kohë sjellin edhe identitete tjera të margjinalizuara. Ato identitete zbulohen dhe përmenden gjatë vetë intervistave. Disa prej tyre janë njerëz me aftësi të kufizuara, tjerat janë gra, ose të rinj që vijnë nga rrethet më të vogla, jashtë qytetit kryesor. Bisedat me secilin/ën prej tyre janë transkriptuar dhe ritreguar ashtu siç janë thënë, plot me të folur të natyrshëm, shprehje dialektore, zhargon dhe anglicizme. Besojmë se kjo e folur, e përcjellur drejtpërdrejt dhe pa asnjë ndërhyrje, do t'ju ndihmojë Juve, si lexues(e), t'i ndjeni këto ngjarje si më të afërta, më të zakonshme dhe më të përditshme.

Për shkak të mbrojtjes së sigurisë personale, të gjithë folësit janë anonim, ndonëse disa prej tyre janë out publikisht. Ndarja e emrave të lokaleve, lokacioneve, qyteteve dhe institucioneve në këtë botim është e vetëdijshme, me qëllim dhe leje nga ana e folësve.

Further episodes of Еквалис

Further podcasts by AED EKVALIS

Website of AED EKVALIS