Tuhan Pencipta Kita-Madura.mp3 - a podcast by Tze-John Liu

Madura - "God Our Creator".mp3 // 1 Korintus 15 -- 1. Ban samangken, Tan-taretan, ngereng kaemodi pole Kabar Bagus dhari ELOHIM se eberta'agi kaula ka sampeyan lamba' ka'issa'. Sampeyan narema kabar ganeka, ban parcaja ka Almasih polana Kabar Bagus ka'issa'. 2. Mon sampeyan koko neggu'i ponapa se eberta'agi kaula ganeka, Kabar Bagus ganeka tanto masalamet sampeyan; kajabana mon sampeyan parcaja tape ta' ngarte. 3. Ponapa se epanapa' kaula ka sampeyan enggi paneka se ampon etarema kaula jugan. Se paleng penting, akadi se esebbuttagi e dhalem Alketab, kaula ampon manapa' ka sampeyan ja' Almasih seda polana sa-dusana sampeyan sareng kaula sadaja; 4. ja' Salerana ampon ekoburragi nangeng pas epaodhi' pole e are se kapeng tello'. Ganeka jugan esebbuttagi e dhalem Alketab. 5. Kaula marenge oneng jugan ka sampeyan ja' Almasih se epaodhi' pole ganeka ngaton jugan ka Petrus, ban saamponna ganeka ka rasul se dhubellas oreng. 6. Saamponna ganeka Salerana ngaton pole ka red-moredda se bannya'na lebbi dhari lema ratos oreng se kalerressan badha e settong kennengngan. Kabannya'an dhari reng-oreng ganeka samangken gi' odhi', se adinggal dunnya namong sakone'. 7. Saamponna ganeka Almasih ngaton jugan ka Yakobus, ban saamponna ganeka ka sadajana para rasul. 8. Dhi-budhi kadibi' Almasih ngaton jugan ka kaula -- kaula paneka akadi babaji' se lahir ta' napa' baktona! 9. Kaula paneka rasulla Guste Isa se paleng maba. Kaula ta' pantes esebbut rasul, sabab kaula ampon nganeyaja jema'adda ELOHIM. 10. Nangeng polana rahmadda ELOHIM kaula daddi akadi kaula samangken paneka. Ban ta' parcoma ELOHIM nyapora kaula. La'-mala' kaula se alako lebbi berra' dhari sul-rasul laenna. Nangeng salerressa ganeka banne ehteyar kaula; ganeka ehteyarra ELOHIM se taresna ka kaula ban se alampa'agi lalakon asareng kaula. 11. Daddi, dhari pasera'a saos sampeyan narema Kabar Bagus ganeka -- dhari kaula otabana sul-rasul laenna -- ganeka banne parkara. Se penting enggi paneka: kaula sadaja aberta'agi Kabar Bagus ganeka ka sampeyan, ban sampeyan parcaja.

Further episodes of ===

Further podcasts by Tze-John Liu

Website of Tze-John Liu