Kristín Helga Gunnarsdóttir - a podcast by RÚV
from 2018-03-04T09:03
Á sínum tíma voru helstu rökin fyrir sjálfstæði Íslands sótt í sjálft tungumálið - íslenskuna. Hún væri móðurtungu Norðurlanda og hefði alið af sér bókmenntir sem væru einn af hornsteinum evrópskrar menningar. En hvernig horfir málið við nú einni öld síðar? Menningargróskan hefur að sönnu aldrei verið meiri, en jafnframt er spurt hvernig tungunni muni reiða af í því stöðuga umróti áreita og ögrana sem eru daglegt hlutskipti nútímafólks. Næstu sunnudaga munu þeir Ævar Kjartansson og Pétur Gunnarsson, rithöfundur, fá til sín viðmælendur til að hugleiða stöðu málsins á aldarafmælisári sjálfstæðisins. Á sunnudaginn kemur verður Kristín Helga Gunnarsdóttir, formaður Rithöfundasambands Íslands, gestur þáttarins. Umsjón: Ævar Kjartansson og Pétur Gunnarsson.
Further episodes of Samtal
Further podcasts by RÚV
Website of RÚV