Mozart: Misskilinn snillingur 2/10 - a podcast by RÚV

Wolfgang Amadeus Mozart er einn kunnasti tónsnillingur sögunnar. Tónlist hans er flutt um allan heim á degi hverjum og sögur um snilligáfu hins barnunga Mozarts eru flestum kunnar. Sumir telja að hann sé eitt mesta tónskáld sem heimurinn hefur eignast, öðrum þykir tónlist hans klisjukennd og yfirborðsleg. Árni Heimir Ingólfsson leiðir hlustendur í allan sannleikann um undrabarnið Mozart en einnig um hinn fullþroskaða listamann, um vonbrigði hans og sigra. Fjallað er um stormasamt og flókið samband Mozarts við föður sinn, en einnig um samskipti hans við samtímamanninn Antonio Salieri sem lengi hafa verið mönnum hugleikin. Lesarar með Árna Heimi eru Þorvaldur Jóhann Sigurðarson og Halla Oddný Magnúsdóttir. Í öðrum þætti er fjallað um dvöl Mozarts á Ítalíu þegar hann var á aldrinum 14-17 ára. Meðal þess sem kemur við sögu eru karlsópranar eða geldingar sem nutu mikilla vinsælda í ítölskum óperuheimi, og ævintýralegt afrek Mozarts í Vatíkaninu, þegar hann skrifaði upp kórverk sem var einkaeign Páfagarðs, eftir að hafa heyrt það aðeins einu sinni.

Further episodes of Fríhöfnin

Further podcasts by RÚV

Website of RÚV