Harpa Arnard. föstudagsgestur og bollumatarspjall - a podcast by RÚV

Föstudagsgestur Mannlega þáttarins í þetta sinn var Harpa Arnardóttir, leikkona og leikstjóri. Hún hefur leikið í fjölda leikverka á sviði, leikið í sjónvarpsefni og kvikmyndum og meðfram því hefur leikstýrt sýningum í leikhúsunum, nú síðast sýningunni Ég hleyp, sem var frumsýnd í Borgarleikhúsinu í gær. Við fórum með henni aftur í tímann og rifjaði upp æskuna og uppvöxtinn og fórum svo með henni í ferðalag í gegnum lífið til dagsins í dag. Leiklistarskólinn, Ásta tvíburasystir, náttúrubarnið, leikstjórnin og svo leikritið Ég hleyp, sem er um djúpa sorg og missi, margar hliðar hjartans og tilfinninganna og vonina. Í matarspjallinu töluðum við auðvitað um bollur og saltkjöt og baunir. Við spurðum: Eru gömlu góðu bollurnar með rjóma sultu og glassúr á undanhaldi? Eru pipar og lakkrís bragðið að taka yfir og allar nýjungar í bollugerðinni og hvort eru betri, ger eða vatnsdeigsbollur? UMSJÓN GUÐRÚN GUNNARSDÓTTIR OG GUNNAR HANSSON

Further episodes of Mannlegi þátturinn

Further podcasts by RÚV

Website of RÚV