Kvíðakastið, móðurmál og Roberta lesandi vikunnar - a podcast by RÚV

Það er mikil fjölbreytni í hlaðvörpum eða podköstum og eitt nýtt fór í loftið í desember en það ber heitið Kvíðakastið og í þessum þáttum spjalla Sálfræðingar saman um málefni tengd geðheilsu.Kvíði getur haft ótal birtingarmyndir og við ætlum að tala um kvíða, jaðarpersónuleikaröskun og um Díalektíska atferlismeðferð eða DAM og sú aðferð er td gagnreynd meðferð við jaðarpersónuleikaröskun. Hingað komu þær Katrín Mjöll Halldórsdóttir og Nína Björg Arnarsdóttir en þær sjá um Kvíðakastið ásamt Sturlu Böðvarssyni. Í tilefni þess að í dag er alþjóðlegur dagur móðurmálsins og við fengum til okkar hana Renötu Emilson Peskovu, sem er ein af aðstandendum Móðurmáls. Móðurmál eru samtök um tvítyngi, sem hafa í næstum 30 ár sérhæft sig í móðurmálskennslu fyrir börn á Íslandi sem hafa annað móðurmál en íslensku. Samtökin sinna móðurmálskennslu á þriðja tug tungumála, t.d. tékknesku, serbnesku, japönsku, spænsku, nepalísku, ungversku og arabísku. Vigdís Finnbogadóttir er verndari Móðurmáls, en samtökin hafa fengið ýmsar viðurkenningar fyrir sitt starf síðustu ár. Og lesandi vikunnar er Roberta Soparaite bókavörður á Bókasafni Ísafjarðar. Hún er með háskólagráður í sálfræði frá Háskólanum í Vilinius, Litháen, og frá Háskóla Íslands, þar sem hún lærði íslensku sem annað mál og skrifaði lokaritgerð um skáldsöguna Punktur, punktur, komma, strik, eftir Pétur Gunnarsson. UMSJÓN GUÐRÚN GUNNARSDÓTTIR OG MELKORKA ÓLAFSDÓTTIR

Further episodes of Mannlegi þátturinn

Further podcasts by RÚV

Website of RÚV