Páll Óskar föstudagsgestur og matarspjall - a podcast by RÚV

Föstudagsgestur Mannlega þáttarins í þetta sinn er söngvari og tónlistarmaður sem hefur glatt þjóðina í áratugi. Í rauninni er hann eitt af þessum nöfnum sem þarf ekki að kynna fyrir landsmönnum, Páll Óskar Hjálmtýsson. Hann sagði okkur frá æskunni og uppeldinu á stóru heimili í Vesturbænum og svo frá ferðalaginu í gegnum lífið til dagsins í dag. Páll Óskar talaði líka um samfélagsmiðla, til dæmis út frá atburðum undanfarna daga í Bandaríkjunum. Hver ábyrgð samfélagsmiðla er í því samhengi og hverjar eru dökku hliðarnar á því að eyða miklum tíma á þessum miðlum. Svo var það matarspjallið, Sigurlaug Margrét Jónasdóttir, besti vinur bragðlaukanna, fékk auðvitað Pál Óskar til þess að sitja áfram og ræða við okkur um mat í fyrsta matarspjalli ársins. Hver er uppáhaldsmaturinn hans? Hverjir eru hans sérréttir í eldhúsinu? Páll Óskar var í eldhúsinu með okkur í dag. UMSJÓN GUNNAR HANSSON OG GUÐRÚN GUNNARSDÓTTIR?

Further episodes of Mannlegi þátturinn

Further podcasts by RÚV

Website of RÚV