Snorraverkefnin, Háskóladagurinn og Heiðar Ingi lesandinn - a podcast by RÚV

Við fræddumst um Snorraverkefnin í þættinum í dag en verkefnin fjalla um að mynda brú á milli menningarsvæði með því að bjóða fólki af íslenskum ættum frá Norður-Ameríku hingað til lands. Markmiðið er að efla tengsl afkomenda vesturfaranna við Ísland og Íslendinga með því kynna fyrir þeim tungumál og menningu með dvöl hjá ættingjum vítt og breitt um landið. Auk þess er íslenskum ungmennum boðið að fara í fjögurra vikna sumarævintýri á slóðir Vestur-Íslendinga í Norður-Ameríku. Pála Hallgrímsdóttir, verkefnastjóri Snorraverkefnanna sagði okkur meira frá þessu í þættinum og við heyrðum líka í Dagrúnu Malmquist Jónsdóttur sem fór einmitt í slíka ferð á vegum Snorraverkefnanna árið 2018 sem hún sagði okkur frá. Annað árið í röð er Háskóladagurinn haldinn stafrænn 26.feb.frá kl.12-15. Dagurinn er sameiginlegur kynningardagur allra háskóla á Íslandi. Þar verður hægt að kynna sér allar námsleiðir sem eru í boði í íslenskum háskólum. Nemendur, kennarar, náms- og starfsráðgjafar og starfsfólk allra háskóla landsins verða tilbúnir til að spjalla við gesti dagsins í netspjalli á deginum. Þarna verður tækifæri að spyrja um hvaðeina sem lýtur að drauma náminu og eiga samtal um námsleiðirnar og háskólalífið. Rósa Björk Jónsdóttir, markaðs- og kynningarfulltrúi Landbúnaðarháskóla Íslands, sagði okkur frá því sem er í boði þar og frá Háskóladeginum í heild. Lesandi vikunnar í þetta sinn var Heiðar Ingi Svansson formaður félags íslenskra bókaútgefanda og framkvæmdastjóri hjá IÐNÚ. Við fengum að vita hvaða bækur hann hefur verið að lesa undanfarið og hvaða bækur og höfundar hafa haft mest áhrif á hann í gegnum tíðina. UMSJÓN GUÐRÚN GUNNARSDÓTTIR OG GUNNAR HANSSON

Further episodes of Mannlegi þátturinn

Further podcasts by RÚV

Website of RÚV