18. nóv - Prófatíð, geimréttur, skipulagsmál, rafmagnsleysi og ópera - a podcast by RÚV

Umsjón: Ingvar Þór Björnsson og Snærós Sindradóttir Námsmenn og skólastarfsfólk hefur þurft að laga sig að breyttum veruleika vegna fjölgunar kórónuveirusmita undanfarnar vikur. Við ræddum við Eyjólf Guðmundsson, rektor Háskólans á Akureyri, um prófatíðina framundan og hvaða lærdóm hægt sé að draga af faraldrinum. Við hringdum austur á Hérað, en Stefán Bogi Sveinsson lögfræðingur og héraðsskjalavörður á Egilsstöðum, er sérfræðingur í geimrétti. Tilefnið er heimsókn Sævars Helga Bragasonar til okkar á þriðjudag þar sem hann sagði okkur að mikill pirringur ríkti í garð Rússa eftir að þeir sprengdu í loft upp eigið gervitungl. Ragnar Sverrisson, kaupmaður á Akureyri, kom til okkar til að ræða skipulagsmál. Hann hefur um margra ára skeið barist ötullega fyrir því að miðbær Akureyrar verði skipulagður upp á nýtt. RARIK hefur staðið í ströngu við að leggja línur í jörð á þessu ári. Við heyrðum í Ásbirni Gíslasyni, deildarstjóra framkvæmdadeildar Rarik á Norðurlandi, um hvernig fyrirtækið er í stakk búið að takast á fárviðri á borð við það sem gekk yfir landið í desember 2019. Peningastefnunefnd Seðlabankans ákvað í gær að hækka stýrivexti um 0,5 prósentustig. Þetta er í fjórða sinn í röð sem bankinn hækkar vexti á þessu ári. Við heyrðum í Drífu Snædal, forseta Alþýðusambands Íslands. Í lok þáttar fengum við til okkar meðlimi óperunnar Arctic opera, sem er starfrækt hér á Akureyri. Lög: Sunny Road (Tónatal 2021) - Valdimar Never as good as the first time - Sade Heimur allur hlær - Stefán Hilmarsson Wasted days - John Mellencamp Þorparinn - Mannakorn Everybody's changing - Keane Við gætum reynt - Magni og Ágústa Eva Running Wild - Vök

Further episodes of Morgunútvarpið

Further podcasts by RÚV

Website of RÚV