2. feb - Votlendi, neðansjávarrannsóknir, HIV, kjarasamningar og Hopp - a podcast by RÚV

Í dag er alþjóðlegi votlendisdagurinn en endurheimt votlendis er eitt af þeim málum sem lögð hefur verið hvað mest áhersla á í baráttunni við loftslagsbreytingar. Þórunn Wolfram, doktor í umhverfisfræðum og sviðsstjóri hjá Landgræðslunni, var á línunni hjá okkur í upphafi þáttar. Upp úr klukkan hálf átta heyrðum við í Ragnari Edvardssyni, fornleifafræðingi við Rannsóknarsetur Háskóla Íslands í Bolungarvík, en hann hefur vakið mikla athygli fyrir rannsóknir neðansjávar við horfnar hvalstöðvar erlendra þjóða við strendur landsins. Lyfjaframleiðandinn Moderna, sem við Íslendingar þekkjum hvað best fyrir bóluefnið gegn Covid-19, hefur tilkynnt að það sé nú þegar búið að hefja fyrsta fasa í rannsóknum sínum á bóluefni gegn HIV veirunni með bólusetningu á hópi fólks. Einar Þór Jónsson, framkvæmdastjóri HIV samtakanna, kom til okkar til að spjalla um þessi tímamót. Ragnar Þór Ingólfsson, formaður VR, sagði um helgina stöðu efnahagsmála á Íslandi grafalvarlega og að kjaraveturinn fram undan yrði þungur. Við ræddum við Guðmund Inga Guðbrandsson, félags- og vinnumarkaðsráðherra. Landsréttur í Danmörku hefur úrskurðað að lögreglunni í Færeyjum hafi ekki verið heimilt að leggja hald á fimmtíu rafskútur frá íslenska fyrirtækinu Hopp síðasta sumar. Við heyrðum í Ebenezer Þórarni Ásgeirssyni, framkvæmdastjóra Hopp í Færeyjum, um málið. Sjónvarpsmaðurinn Sindri Sindrason frumsýnir brátt nýja sjónvarpsþætti á Stöð 2 sem fjalla um heimilisofbeldi. Sindri og Jenný Kristín Valberg frá Bjarkarhlíð komu til okkar upp úr klukkan hálf níu. Átakið Bindin fram í febrúar hófst í gær en því er ætlað að hvetja fólk til að nota bindi, ekki aðeins karlmenn heldur fólk af öllum kynjum. Við ræddum við skipuleggjanda átaksins, Óskar Þór Þráinsson, upplýsingafræðing og bindisáhugamann. Tónlist: Flott - Þegar ég verð 36 Lily Allen - Smile Cranberries - Just My Imagination Macy Gray - I Try Quarashi - Mr. Jinx Adele - Oh my God Silk Sonic - Smoking out the Window

Further episodes of Morgunútvarpið

Further podcasts by RÚV

Website of RÚV