20. jan. - G vítamín, launaþjófnaður, nýsköpun, heilsa og Spánn - a podcast by RÚV

Þessa dagana er að detta inn um lúguna hjá landsmönnum 30 daga dagatal frá Geðhjálp. Þar er að finna ráðleggingar sem ætlað er að bæta geðheilsu. Markmiðið er að styrkja geðheilsu landsmanna en um leið að fyrirbyggja mögulega bresti og verja okkur í mótbyr. Með daglegri inntöku G-vítamíns myndum við sterkara ónæmi segir þar. G-vítamínið er byggt á Geðorðunum 10 og 14 Lífsorðum Héðins Unnsteinssonar og Þórdísar Rúnarsdóttur. Grímur Atlason framkvæmdarstjóri Geðhjálpar var á línunni. Ársfjórðungsskýrsla kjaramálasviðs Eflingar kom út í vikunni. Hjá trúnaðarráði Eflingar var til umfjöllunar launaþjófnaður gegn verka- og láglaunafólki og sendi fundurinn forsætisráðherra og félagsmálaráðherra bréf þar sem minnt var á að loforð um að taka á brotastarfsemi á vinnumarkaði hafi ekki enn verið efnt. Efling segir að launagreiðslur sem stolið er af Eflingafélögum skipti hundruðum milljóna á ári. Við fengum til okkar Ingólf B. Jónsson aðstoðarsviðstjóra kjaramála hjá Eflingu sem fór aðeins yfir þetta með okkur. Á morgun standa opinberir aðilar að Nýsköpunardegi hins opinbera í annað sinn. Fókus dagsins er hverjir séu jákvæðir lærdómar af verkefnum síðastliðins árs þar sem Covid-19 hefur verið stærsta úrlausnarefnið. Sjónum er m.a. beint að stafrænum byltingum sem segja má að hafi gert kraftaverk á síðasta ári. Þau Íris Huld Christersdóttir, sérfræðingur í fjármála- og efnahagsráðuneytinu og Þröstur Sigurðsson hjá þjónustu- og nýsköpunarsviði borgarinnar komu til okkar. Ólöf Rún Tryggvadóttir er konan að baki vörumerkinu Eylíf sem er frumkvöðlafyrirtæki í framleiðslu fæðubótarefna úr íslensku hráefni. Hún fór í háskólanám fertug og stofnaði eigin fyrirtæki að viðskiptafræðinámi loknu. Hún hefur mikinn áhuga á heilsu og hefur gert miklar breytingar á sínu eigin lífi eftir að hafa greinst ung með krabbamein. Ólöf Rún kom til okkar í morgunkaffi og ræddi frumkvöðlastarf, heilsutengd mál og hvernig við getum sjálf haft jákvæð áhrif á heilsuna. Við heyrðum í Jóhanni Hlíðar Harðarsyni á Spáni sem fór yfir stöðuna þar hvað Covid og vetrarveðrið varðar, auk þess að segja okkur frá máli sem varðar falsað prófskírteini og áhrif leiðtogaskiptanna í Bandaríkjunum í dag. Tónlist: Helgi Björns, Salka Sól og Reiðmenn vindanna - Saman (höldum út). Leonard Cohen - Darkness. The Cardigans - Live and learn. Blondie - Hangin on the telephone. Cyndi Lauper - Time after time. Stefán Hilmarsson - Heimur allur hlær. Jóhann Helgason - Take your time. Gugusar og Auður - Frosið sólarlag. Ed Sheeran - Afterglow. Jónas Sig. - Dansiði.

Further episodes of Morgunútvarpið

Further podcasts by RÚV

Website of RÚV