23. apríl - Bókakaffi, stúdentar, Landsmót, fréttaspjall og Óskarinn - a podcast by RÚV

Við skruppum austur í þættinum og fórum í heimsókn á Bókakaffið Hlöðum í Fellabæ. Þar ræddi Gígja Hólmgeirsdóttir við kaffihúsaeigandann og tónlistarkonuna Grétu Jónu Sigurjónsdóttur um lífið á bókakaffihúsinu. Landsamtök stúdenta hafa lýst yfir áhyggjum af komandi prófatíð, í ljósi aukins fjölda kórónuveiru smita í samfélaginu og að stúdentar í mörgum deildum þurfi að mæta í próf á prófstað. Stúdentar hafa hvatt til þess að deildir og stjórnendur bjóði upp á fjölbreyttar leiðir til námsmats enda sé ótækt að stúdentar þurfi að velja á milli heilsu sinnar eða þessa að mæta í próf. Derek Terell Allen, núverandi jafnréttisfulltrúi LÍS og verðandi forseti LÍS og Jóhanna Ásgeirsdóttir núverandi forseti Landssamtaka íslenskra stúdenta komu til okkar og ræddu þetta mál og fleiri er varða stúdenta. Út er komin bókin Humans, Horses and Events Management, sem fjallar um hestaviðburði og samskipti manns og hests og byggð er á umfangsmikilli alþjóðlegri rannsókn á Landsmóti hestamanna sem spannaði 20 ár. Viðburðurinn er skoðaður frá mörgum sjónarhólum og margir koma að ritun bókarinnar, en við heyrðum í einum ritstjóranna Ingibjörgu Sigurðardóttur deildarstjóra og lektor við Háskólann á Hólum og fengum að vita meira. Við litum um öxl yfir fréttir vikunnar og fengum til okkar góða gesti að venju, sem að þessu sinni voru þau Erla Gunnarsdóttir verkefnastjóri hjá Bændasamtökunum og Sigurður Bogi Sævarsson blaðamaður. Það er rífandi Óskars stemming á Húsavík þessa dagana og þar bíða íbúar spenntir eftir beinni útsendingu á RÚV frá hátíðinni aðfaranótt mánudags. Erlendir fjölmiðlar hafa sýnt bænum mikla athygli undanfarna daga og Kristján Þór Magnússon sveitarstjóri og fleiri á Húsavík hafa haft nóg að gera í að svara fyrirspurnum og mæta í viðtöl. Við slógum á þráðinn norður og heyrðum í Kristjáni um Óskars stemminguna á Húsavík. Tónlist: Ásgeir Trausti - Sumargestur. Mannakorn - Það er komið sumar. Erla og Gréta - Lífið er ljóðið okkar. GCD - Sumarið er tíminn. Seals and Crofts - Summer breeze. My Marianne (Molly Sanden) og Will Ferrell - Husavik (my hometown). Don Henley - The boys of summer. DJ Jazzy Jeff og The Fresh Prince - Summertime.

Further episodes of Morgunútvarpið

Further podcasts by RÚV

Website of RÚV